Myunxenning "Bavariya" klubi Madridning "Atletiko" klubi yetakchilaridan birini o‘z safiga qo‘shib olmoqchi.
Fichajes nashri tarqatgan xabarga ko‘ra nemis grandi rahbariyati Diyego Simeone jamoasida o‘zini asosiy futbolchilardan biri sifatida ko‘rsatib ulgurgan 22 yoshli Pablo Barriosni o‘z safiga qo‘shib olmoqchi. Uning barqaror o‘yinlari "qizillar" bosslarining e’tiborini tortdi va ular yosh yarim himoyachining o‘sishini diqqat bilan kuzatib bormoqda.
Joriy mavsumda Pablo Barrios "Atletiko" safida barcha musobaqalarda 9 ta o‘yinda bitta gol urdi. Transfermarkt saytida uning narxi 55 million yevroga baholanmoqda.
