“Реал” ярим ҳимоячиси Хамес Родригес фаолиятини “Наполи”да давом эттириши мумкин. Бу ҳақида Marca нашри хабар тарқатди.
Манбанинг хабарига кўра, футболчининг трансферини неаполликлар бош мураббийи Карло Анчелоттининг шахсан ўзи хоҳламоқда, Улар аввал ҳам бирга “Реал Мадрид”да ишлашган. Мураббий футболчининг агенти Жорже Мендеш билан гаплашиб олган.
Эслатиб ўтамиз, футболчининг хизматига шунингдек “Арсенал”, “Манчестер Юнайтед” ва “Ювентус” жамоалари қизиқиш билдирмоқда.
