“Торино” хўжайини Урбано Кайро клуб уч нафар футболчи билан шартнома имзолаганини маълум қилди.
“Биз Айнани “Челси”дан 10 млн евро эвазига, шунингдек “Интер”дан Кристиан Ансальди ва “Нант”дан Коффи Жижини сотиб олдик. Энди улар “Торино”га тегишли”, - дейди функционер.
Маълумот ўрнида, ўтган мавсум “Торино” “А” Серияни 7 ўринда якунлади, бироқ Европа лигасида иштирок эта олмайди, чунки саккизинчи ўринни эгаллаган “Лацио” Италия кубогини қўлга киритди.
