“Беневенто” “Наполи”дан ярим ҳимоячи Роберто Инсиньенинг трансфер ҳуқуқини сотиб олди, деб хабар беради клубнинг расмий сайти.
Аввалроқ “неаполликлар” Робертони “Перуджа”, «Режина”, “Авеллино”, “Латине” ва “Парма” клубларига ижарага беришган эди. Асосий жамоа сафида эса Инсиньенинг укаси бор йўғи иккита ўйинда майдонга тушган.
Маълумот ўрнида, ўтган мавсум италиялик футболчи “Беневенто” сафида 30 та ўйинда майдонга тушиб 10 та гол ва 12 та голга ассисентлик қилди.
