"Эвертон" клуби ҳуқуқий жиҳатдан "Барселона"га тегишли бўлган ярим ҳимоячи Андре Гомешни сотиб олди. Жамоа расмий сайти тарқатган хабарга кўра, португалиялик футболчи билан 5 йиллик шартнома имзоланган. Англияликлар Гомеш учун "Барса"га 25 миллион евро тўлашди.
Эслатиб ўтамиз, "Барселона" 2016 йилнинг ёзида Гомешни "Валенсия"дан 37 миллион еврога сотиб олган эди. У каталонияликлар сафида жами 78та ўйинда майдонга тушиб, 3та гол урди.
Футболчи ўтган мавсумни ижара асосида "Эвертон"да ўтказди. У 29та ўйинда майдонга тушиб, 1та гол урди.
