Мадриднинг “Реал” клуби ПСЖ ҳужумчиси Неймарни сотиб олиш фикридан қайтди, деб хабар беради AS нашри.
Аввалроқ парижликлар бразилиялик футболчини “Реал”га тавсия қилган эди. Оммавий ахборот воситаларида Неймарни сотиб олишга “қаймоқранглилар” президенти Флорентино Перес қизиқаётган экан. Лекин кейинроқ маълум бўлишича бразилиялик футболчи умуман бош мураббий Зинедин Зиданнинг режасига кирмади.
Маълумот ўрнида, 27 ёшли футболчи ўтган мавсум 28 та ўйинда майдонга тушиб 23 та гол урди.
