Мадриднинг "Реал" клуби мавсумни ижарада ўтказаётган футболчилари – Хамес Родригес ва Матео Ковачичларни трансферга қўймоқчи. Бу ҳақда El Confidencial нашри хабар бермоқда.
Унга кўра “қироллик клуби” президенти Флорентино Перес колумбиялик футболчини 60 миллион, хорватиялик футболчини эса 50 миллион еврога сотишни режалаштирмоқда.
Эслатиб ўтамиз, Хамес мавсумни “Бавария”да, Ковачич эса “Челси”да ўтказмоқда.
Маълумотларга қараганда “Реал” бундан ташқари шунингдек ижарада юрган бошқа футболчилар - Борха Майораль ("Леванте"), Рауль де Томас ("Райо Вальекано"), Лукас Силва ("Крузейро") ва Мартин Эдегорларни ("Витесс") ҳам сотиб юбормоқчи.
