"Реал" ҳужумчиси Гарет Бэйл фаолиятини Хитойда давом эттириши мумкин. Mundo Deportivo тарқатган хабарга кўра, 30 ёшли футболчи "Бэйцзин Гоан" билан музокаралар олиб бормоқда.
Бу клуб уэльслик футболчига 24 миллион евро йиллик маош таклиф қилмоқда. Унинг "Реал"даги маоши 17 миллион еврога тенг. Бэйл мазкур таклифга розилик берса, у Хитой чемпионатининг энг кўп маош олувчи футболчисига айланади.
Эслатиб ўтамиз, "Реал" бош мураббийи Зидан ва футболчининг агенти ҳозирда Бэйлни бошқа жамоага трансфер қилиш юзасидан иш олиб борилаётганини тасдиқлади.
