"Барселона"нинг голландиялик тарбияланувчиси Хави Симонс "ПСЖ"га ўтди. Бу ҳақда парижликлар расмий сайти хабар тарқатди.
16 ёшли футболчи "Пари Сен-Жермен" билан 2022 йилнинг ёзига қадар бўлган шартнома имзолади. Каталонияликлар уни ўз сафларида ушлаб қолишга ҳаракат қилдилар. Аммо шартнома борасида футболчининг агенти — Мино Райола билан келиша олмадилар.
"ПСЖ" ёш футболчини тарбиялаб бергани учун "кўк-анорранглилар"га маълум миқдорда компенсация маблағини тўлаб беради.
Симонснинг ўйин услуби Лионель Мессига ўхшаб кетади. Шунинг учун унга "янги Месси" деб лақаб беришган.
