ads


Uzreport TV телеканали Майк Тайсон ва Рой Жонс ўртасидаги жангни намойиш этади

  • Mr.NoBoDy22.11.2020 04:17
  • 927
  • 30

29-ноябр куни Калифорнияда бокс афсоналари Майк Тайсон ва Рой Жонс ўртасидаги жанг бўлиб ўтади.

Жангга бўлган катта қизиқиш ва томошабинларнинг мурожаатларини инобатга олган ҳолда "УЗРЕПОРТ ТВ" ушбу тўқнашувни Ўзбекистонда трансляция қилиш учун эксклюзив ҳуқуқларни қўлга киритди.

Жонли эфир Тошкент вақти билан эрталабки соат 07:00да бошланиши режалаштирилган.

Мусобақани такроран 29 ва 30 ноябрь кунлари соат 21:00да "УЗРЕПОРТ ТВ"да кўриш мумкин бўлади.

Майк Тайсон 2005 йилдан бери жанг ўтказмаётганини таъкидлаб ўтиш зарур. Унинг ҳисобида 58 та жанг бор, шулардан 50 тасида ғалаба қозонган. Жонс сўнгги марта рингга 2018 йилда чиққан эди. Фаолияти давомида у 66 та ғалабага еришган (47 нокаут билан), тўққизта жангда мағлуб бўлган.

Маълум қилинишича, жанг ғолиби Жаҳон бокс кенгашининг (WБC) "Фронтлине Баттле Бэлт" деб номланган махсус камарига эга бўлади.

Aввалроқ, матбуот анжумани пайтида 54 ёшли Тайсон мухлисларни "ҳақиқий жанг" ўтказишига ишонтирганди. Жонс ҳам бўлажак рақибининг сўзларини қўллаб-қувватлади. "Aгар ҳақиқий жанг бўлишига ишонмаётган бўлсангиз, демак сиз боксни тушунмайсиз. Майкга қарши кўргазмали жангга ким ҳам чиқарди? Биз шлемсиз жанг қиламиз. Кўргазмали жанг? Йўқ, барчаси реал бўлади", - дея қўшимча қилди Рой Жонс.