Биласиз, Ўзбекистон U-16 терма жамоаси шу йилнинг 14-22 сентябрь кунлари Тошкентда ўтадиган Осиё чемпионати саралашида иштирок этади.
Мазкур мусобақага тайёргарлик кўриш мақсадида Азамат Абдураимов шогирдлари бир қатор мусобақа ҳамда ўртоқлик учрашувларида майдонга тушмоқда. 26 июль – 1 август кунлари Тожикистонда Марказий Осиё футбол ассоциацияси томонидан ўтказилган “CAFA U-16 championship-2019” мусобақаси бўлиб ўтди. Унда терма жамоамиз 2-ўринни эгаллади.
Ўзбекистон ўсмирлар терма жамоаси август ойида яна бир халқаро мусобақада қатнашади. 20-26 август кунлари Россия пойтахти Москва шаҳрида “Star Way” номли Валентин Иванов хотира-турнири бўлиб ўтади. Унда Туркия, Сербия, Россия ҳамда Ўзбекистон ўсмирлар терма жамоалари ғолиблик учун баҳс олиб боришади.
“Star Way” номли Валентин Иванов хотира-турнири
21 август (17:00)
Туркия – Ўзбекистон
23 август (17:00)
Ўзбекистон – Сербия
25 август (20:00)
Россия – Ўзбекистон
Барча учрашувлар Москвадаги “Чертаново” аренасида бўлиб ўтади.
