Ўзбекистон ёшлар терма жамоаси декабрь ойи охирида ўқув-машғулот йиғини ўтказиши ҳақида хабар берган эдик.
Биласиз, эндиликда ушбу ёш тоифасидаги терма жамоамизга Тимур Кападзе устозлик қилмоқда. Маҳоратли мутахассис шогирдлари 24-29 декабрь саналари оралиғида пойтахтимизда машғулотлар олиб боришди.
Йиғин сўнггида терма жамоамиз “Оқ-тепа” клубига қарши назорат ўйини ўтказди. Қизиқарли тарзда кечган учрашув 3:2 ҳисобида “Оқ-тепа” клуби фойдасига ҳал бўлди. Терма жамоамиз сафида киритилган голларга Улуғбек Хошимов ҳамда Музаффар Олимжонов муаллифлик қилишди.
Ўзбекистон U-19 – “Оқ-тепа” 2:3
Голлар: Улуғбек Хошимов, Музаффар Олимжонов.
