Ўзбекистон футбол ассоциациясининг Конгресс делегатлари диққатига, аввал хабар берилганидек, жорий йилнинг 25 сентябрь куни ЎФАнинг навбатдаги Ҳисобот-сайлов Конгресси ўтказилади.
Ушбу Конгрессда 2021-2025 йилги муддатга ЎФА Президентлиги, Вице-президентлиги лавозимлари ҳамда ЎФА Ижроия қўмитаси аъзолигига (аъзолардан 1 нафари аёл киши бўлиши шарт) сайлов бўлиб ўтади.
Илгари сурилаётган номзодларингизни ЎФАнинг расмий электрон манзилига (info@ufa.uz) 2021 йил 10 сентябрга қадар юборишингиз сўралади. Маълумот учун, ЎФА устави ва Сайлов кодекси ЎФА расмий веб-сайтининг Меъёрий ҳужжатлар бўлимига жойлаштирилган.
Шунингдек, Конгресс бўлиб ўтадиган жой, вақт ва Конгресс кун тартиби жорий йилнинг 15 сентябрь кунига қадар барча делегатларга маълум қилинади.
