"Бугун жуда қийин учрашув ўтказдик ва ғалаба қозондик. Аммо бироз кайфиятим йўқ, сабаби Жанубий Кореяни мусобақадан чиқариб юбордик. Деярли икки соат давом этган учрашувда матонат кўрсатдик. Мусобақадан аввал бу жамоа ярим финалга қадар етиб боради деганимда ҳатто индонезиялик журналистлар ҳам фикримга бироз шубҳа билан қараганди. Биз жамоа сифатида ўз кучимизга ишондик ва йигитларга биз финалгача етиб бора олишимизга ишонтирдим. Футболчиларда бўлган ишонч бугунги натижага катта таъсир ўтказди деб ўйлайман. Ҳозир тезроқ тикланиб олишимиз керак ва эртага ўз рақибимизни билиб оламиз. Ўзбекистон ва Саудия Арабистони учрашувини стадиондан кузатиб бораман. Саудияга қарши мусобақадан аввал ўйин ўтказган эдик, аммо бундай даражада ҳали Ўзбекистон билан тўқнаш келмаганмиз. Индонезия футболида ўсишда давом этмоқда, биз режа қилгандек Олимпиада ўйинлари сари қадам ташламоқдамиз. Июнь ойида эса асосий терма жамоа билан ЖЧ саралашида иштирок этамиз ва мақсадимиз сўнги иккита баҳсда яхши натижа қайд этиб, учинчи босқичга йўл олиш. Ҳозиргача Индонезия футбол федерацияси билан янги шартнома имзолаганим йўқ, аммо федерация президенти муҳокамага чақирган эди" - дея фикр билдирди Индонезия олимпия терма жамоаси бош мураббийи Ши Таэ Йонг Жанубия Корея устидан қозонилган ғалабадан сўнг.
