Tunda bo'lib o'tgan JCH-2026 saralashi doirasidagi Irlandiyaga qarshi bellashuvning (0:2) 59-daqiqasida Ronaldu bosh hakam tomonidan qizil kartochkaga loyiq ko'rildi.
Bungacha Krishtianu Ronaldu Portugaliya terma jamoasi safida 225 o'yinda ishtirok etgan, ularda 143 ta gol urib, 46 ta golli uzatma etkazib bergan hamda biror marta maydondan chetlatilmagandi. Ushbu tarixiy o'yingacha Krishtianu terma safida na to'g'ridan-to'g'ri qizil, na ikkinchi sariq kartochka ishlab olmagandi.
Klublari safida Ronaldu 8 bor to'g'ridan-to'g'ri qizil kartochkaga loyiq ko'rilgan va yana 4 marta ikkinchi sariq tufayli maydonni qolganlardan ertaroq tark etishga majbur bo'lgan.
