– "Olimpik Mobiuz"ni g'alaba bilan tabriklayman. Raqib o'yinga yaxshi tayyorlangan. Biz bugun o'z o'yinimizni ko'rsata olmadik. Birinchi bo'limdagi imkoniyatlar ham ko'kka sovurildi. Ikkinchi bo'limda o'zgartirishlar qilishga majbur bo'ldim. Ammo baribir o'yinimiz chiqmadi. Almashtirilgan o'yinchilar kutilgandek natija berishmadi. Bugungi mag'lubiyatga men javobgarman. O'zgartirishlarda xatoga yo'l qo'ydim. Yigitlar borlarini berishmoqda. Muxlislar kutgan o'yinni ko'rsata olmadik. Muxlislarga rahmat aytaman va ulardan uzr so'rayman. Oldinda o'yinlar ko'p. Keyingi o'yinga yaxshi tayyorgarlik ko'ramiz.
– "Olimpik Mobiuz"ning bugungi uchrashuvdagi harakatlariga qanday baho berasiz?
– Ularning hamma o'yinlarini ko'rib chiqdik. Jamoaga Superligaga chiqish vazifasi qo'yilgan. Yildan yilga kuchayib bormoqda jamoa. Oldingi o'yinda "Lokomotiv"ni mag'lub qilishdi. "Olimpik Mobiuz" bu yil juda ko'p jamoani qiynaydi.
– Jamoaning psixolodik holati qanday deb o'ylaysiz? G'alaba qozonish uchun aynan shu jihat pand bermayaptimi?
– Bu taraflama yigitlarni qo'llab kelyapmiz. Bugungi o'yinda yigitlarda psixologik tomondan muammo bo'lmadi. Yaxshi o'yin ko'rsatsak ham natijaga erisha olmayapmiz.
