Bosh sovrin uchun BMB hamda "Oil Star" jamoalari kurash olib boradi.
Biz mazkur bahs oldidan buxoroliklarning tajribali futzalchisi Doniyor Saidov bilan bog'landik.
"Ikkinchi iyun kuni bo'lib o'tadigan final bahsi oldidan tayyorgarlikni Buxoroda davom ettiryapmiz. Barchasi alo darajada kechmoqda, deb o'ylayman. Biz maydonga doimo g'alaba uchun va muxlislarimizni xursand qilish uchun chiqamiz.
Bu safargi final "Oil star" uchun omadli kechadi va zafar quchib, kubokni boshimiz uzra baland ko'taramiz, degan umiddamiz. Bu uchun bizda hamma narsa etarli.
Menimcha, maydonda ikki jamoada ham ehtiyotkorlik yuqori bo'ladi va darvozalar daxlsizligini saqlashga harakat bo'lsa kerak. Ikkala jamoa murabbiylari tajribali bo'lganligi sababli o'yin taktik taraflama qiziqarli va tomoshabop bo'lsa ajabmas".
