Qayd etilishicha, transferga "shaharliklar" ustozi Xosep Gvardiolaning shaxsan o'zi qiziqish bildirmoqda. Angliya grandi Donnarummaning shartnomasi atrofidagi vaziyatni diqqat bilan kuzatib bormoqda. Agar italiyalik PSJ bilan mehnat shartnomasini uzaytirishdan bosh tortsa, unda "Man Siti" darvozabonni o'z safiga qo'shib olishga harakat qiladi.
Janluiji Donnarumma o'tgan mavsum PSJ safida barcha musobaqalarda 40ta o'yin o'tkazdi va ularda 39 ta to'p o'tkazib yubordi. Shuningdek, futbolchi hisobida 12 ta "quruq" bahs bor. Italiyalikning mehnat shartnomasi 2026 yilning yozigacha amal qiladi. Transfermarkt portali futbolchini 35 mln evroga baholamoqda.
