Ertadan oxirgi tur bellashuvlari start oladi. Qatar terma jamoasi saralashni mehmonda O'zbekistonga qarshi uchrashuv bilan yakunlaydi. Qiziq fakt shuki, to'q qizil ranglilar mazkur saralashda mehmonda g'alaba qozongani yo'q. Faqat bir marotaba durang qayd etishdi, xolos. Raqiblari maydonida esa 4 ta o'yinda 4 ta to'p kiritdi. Quyida umumiy natijalarga razm solamiz.
KXDR - Qatar 2:2
Eron - Qatar 4:1
BAA - Qatar 5:0
Qirg'iziston - Qatar 3:1
Xulen Lopetegi shogirdlari oxirgi bor mehmonda 2023 yilning 21 noyabr kuni Jahon chempionati ikkinchi saralash bosqichida Hindiston ustidan zafar quchgan edi.
O'zbekiston - Qatar uchrashuvi 10 iyun kuni 18:45da "Bunyodkor" stadionida start oladi.
