"Napoli" "Udineze" hujumchisi Lorenco Lukkani safiga qo'shib olishga yaqin turibdi, deya xabar berdi "La Gazzetta dello Sport".
Nashrning yozishicha, forvardni shaxsan jamoa bosh murabbiyi Antonio Konte so'ragan. Ushbu haftada klublar o'rtasida yakuniy transfer summasini aniqlash uchun hal qiluvchi muzokaralar o'tkazilishi rejalashtirilgan.
Qayd etilishicha, kelishuv bonuslarni hisobga olgan holda 30 million evro atrofida bo'lishi mumkin.
Lukka A Seriyaning o'tgan mavsumida 33 o'yinda 12 ta gol urib, "Udineze"ning eng yaxshi to'purari bo'ldi. "Napoli" uni Romelu Lukaku o'rniga ideal nomzod sifatida ko'rmoqda.
