Joriy mavsumda mag'lubiyat nimaligini bilmay kelayotgan "Nasaf" oxirgi uchrashuvlarda formaga kirib olgan — "Paxtakor"ni qabul qiladi.
Ikki jamoa chempionat doirasida shu paytga qadar 56 bor to'qnash kelgan. Umumiy hisobda "sherlar" ustun — 30 g'alaba. "Ajdarlar" 12 marta zafar quchgan, 14 bellashuv durang bilan yakunlangan. Qarshidagi 28 uchrashuvda esa vaziyat anchagina tortish. Mezbonlar 10 marta g'alaba qozongan bo'lsa, "Paxtakor" 9 safarda zafar quchgan. Yana 9 o'yinda tomonlar ochkolarni bo'lishib olishgan.
Qizig'i shundaki, "Paxtakor" Qarshida 2021 yildan buyon na g'alaba qozona olmoqda, na gol ura olayapti. O'shanda jamoa dramatik uchrashuvda 3:2 hisobida g'alaba qozongan edi. Ammo shundan keyingi uchrashuvlarda toshkentliklar Qarshida "Nasaf" darvozasini ishg'ol eta olmadi — 0:0, 0:0 va 1:0 hisobidagi uchrashuvlar shunga guvoh.
Har ikki jamoa joriy mavsumda yuqori o'yin namoyish etib kelmoqda. Shu bois, navbatdagi qarama-qarshilikdagi har bir gol, har bir imkoniyat — qimmatli bo'ladi.
