"Shuni aytishim kerakki, ajoyib o'yin bo'ldi, chunki 0:2 hisobida ortda qolaturib, 3:2 hisobida g'alaba qozonish har doim kuchli his-tuyg'ularni uyg'otadi. Men uchun bellashuv yanada ko'proq ahamiyatga ega, chunki ushbu uchrashuv "Bunyodkor" bilan o'z maydonimizdagi so'nggi o'yinim bo'lishi mumkin. "Andijon" bilan o'yindan keyin shartnomam tugaydi va yaxshi taassurotlar bilan ketishni xohlayman...
Qolish-qolmasligim haqida hali bilmayman, lekin muxlislarga minnatdorchilik bildirmoqchuman, chunki ular meni butun yil davomida qo'llab-quvvatlab kelishdi. Shuning uchun, gol urganim yoki urmaganligimdan qati nazar, muxlislar doimo men bilan birga va men bundan baxtiyorman. Bu g'alabadan xursandman va muvaffaqiyatni muxlislarimizga bag'ishlayman.
Ha, men jamoam uchun muhim gol urdim. Bu gol hal qiluvchi lahza edi. Bu – futbol. Men har doim gol urish imkoniyatim borligiga ishonaman. Shuning uchun maydonga chiqdim, imkoniyatlar bo'lishiga ishonchim komil edi va gol urdim", dedi 27 yoshli futbolchi.
