Yig'ilishda so'z olgan Shavkat Mirziyoev Ozarbayjon davlat rahbarini mini-futbol bo'yicha Ozarbayjon terma jamoasining JCH-2025dagi g'alabasi bilan tabrikladi.
"Ilhom Haydarovich, sizni Ozarbayjon mini-futbol terma jamoasi jahon chempioni bo'lgani bilan muborakbod etaman. Biz katta futbolga bir qadam qolganini ko'rdik va bundan chin dildan xursand bo'ldik", – dedi O'zbekiston rahbari.
Eslatib o'tamiz, Ozarbayjon terma jamoasi Boku shahrida bo'lib o'tgan mini-futbol bo'yicha Jahon chempionatida g'olib bo'ldi. Finalda terma jamoa Vengriya terma jamoasini 4:2 hisobida mag'lub etdi.
Ozarbayjon poytaxtida o'tgan sport tadbirida jami 32 davlatdan jamoalar ishtirok etdi. Keyingi turnir 2027 yilda o'tkazilishi kutilmoqda.
