Bugun “Do‘stlik” stadionida 2026-yilgi U-20 ayollar Osiyo kubogi saralash bosqichining “G” guruhi o‘yinlariga start berildi.
Vladimir Panov boshqaruvidagi Oʻzbekiston U-20 qizlar terma jamoasi Bahraynga qarshi bahs olib bordi va 8:0 hisobida g’alaba qozondi.
Jamoamizning gollariga, Etibor Shodiyeva (dubl), Diyora Baxtiyorova, Dilnura Mamatkulova, Ruxshona Saydabbosova hamda Shaxnoza Dekanbayeva mualliflik qildi, yana ikki gol raqib futbolchilari hisobiga avtogol sifatida yozildi.
Guruhdagi dastlabki uchrashuvda, Iordaniya 6:1 hisobida Shimoliy Mariana Orollari ustidan g‘alabaga erishdi.
Jamoamiz navbatdagi uchrashuvini 8-avgust kuni Shimoliy Mariana Orollariga qarshi o‘tkazadi.
