Учрашувда фаол ҳаракат қилган Лионель Месси аввалига, ўйинда чиройли тарзда ҳисобни очди ва кейин Энцо Фернандеснинг голига ҳаммуаллиф бўлди.
Шу тариқа, Месси ЖЧда бир ўйин давомида гол+пас берган ёши энг катта футболчига айланди – 35 ёш-у, 155 кунлик (Squawka манбаси). У мазкур натижа бўйича 2006 йил Сербияга қарши баҳсда энг ёш футболчига ҳам айланган – 18 ёш-у, 357 кунлик.
Бундан ташқари, Лео 5 та мундиалнинг ҳар бирида ассистга эришган илк футболчи сифатида рекорд қўйди:
2006 – 1 та;
2010 – 1 та;
2014 – 1 та;
2018 – 2 та;
2022 – 1 та.
