Ўз гуруҳларда биринчи ўринни эгаллаган Испания, Германия ҳамда Руминия терма жамоалари, шунингдек, гуруҳлардаги иккинчи ўринлар орасида энг яхши натижага эга бўлган Франция терма жамоаси ярим финал йўлланмасига эга чиқди. Мезбон италияликлар эса муддатидан олдин мусобақа билан ҳайрлашди.
Демак, 27 июнь куни бўлиб ўтадиган ½ финал жуфтликлари қуйидагича кўриниш олган:
Испания – Франция
Германия – Руминия
Ушбу терма жамоалар, келаси йил Токиода бўлиб ўтадиган XXXII ёзги Олимпия ўйинларида қатнашиш имкониятини қўлга киритишди.
Эслатиб ўтамиз, мусобақанинг ҳал қилувчи ўйини 30 июнь санасига белгиланган.