Бу ҳақда сан-себастьянликларнинг twitter'даги расмий саҳифаси хабар беради.
37 ёшли Алонсо футболдаги профессионал фаолиятини айнан сосьедадликлар сафида бошлаганди. 2017 йилда бутсаларини михга илган хавбек, ўтган йилнинг ёзида «Реал»нинг ёшлар (U-14) жамоасида мураббий сифатида иш бошлаганди.
Эслатиб ўтамиз, Хаби Алонсо Испания терма жамоаси ҳамда «Ливерпуль», «Реал» ҳамда «Бавария» клублари сафида умумий 18та совринни қўлга киритганди. Шунингдек, у GQ журнали талқинига кўра 2011 йилнинг энг яхши футболчиси деб топилган.
