АПЛ 2022-2023 йилги мавсум ўз якунига етди. Чемпионлик "Манчестер Сити"га насиб қилгани анча олдин маълум бўлиб улгурганди. Энг яхши тўпурар соврини тақдири ҳам деярли ҳал бўлганди, аммо охирги тур якунлангандан сўнг бу расман аниқ бўлди. "Ман Сити" ҳужумчиси Эрлинг Холанд 35 та учрашувда майдонга тушиб, 36 та гол киритди ва АПЛ тўпурарига айланди. Холанддан кейинги ўринда "Тоттенхэм" форварди Харри Кейн – 30 та гол.
"Ман Сити"нинг бошқа бир аъзоси Кевин Де Брюйне эса чемпионатнинг энг яхши ассистенти бўлди. Кевин 32 учрашувда майдонга тушиб, 16 та ассист қайд этишни уддалади.
Аввалроқ, "Манчестер Юнайтед" аъзоси Давид де Хеа "Олтин қўлқоп"ни ютиши аниқ бўлганда. "Қизил иблислар" Кипери 17 та учрашувда дарвозаси дахлсизлагини сақлаб қолди.
