"Барселона" футболчиси Аитана Бонмати "Олтин тўп"ни олди.
Бонмати "Барселона" ва Испания аёллар терма жамоаси ярим ҳимоячиси. 2023 йилда у Чемпионлар лигаси ва Жаҳон кубогини қўлга киритди ва ҳар иккала турнирда ҳам энг яхши футболчи деб топилди.
Бу асли Сант-Пере де Рибеслик бўлган 25 ёшли футболчининг фаолиятидаги илк “Олтин тўп” бўлди.
Топ-5ликка, шунингдек, Саманта Керр («Челси», Австралия), Сальма Паральюэло («Барселона», Испания), Фридолина Рольфе («Барселона», Швеция) ва Мэри Эрпс («Манчестер Юнайтед», Англия) кирди.
