Ўтган мавсум аввалида ташкил этилган Туркманистоннинг "Аркадағ" жамоаси маҳаллий чемпионат ва кубок учрашувларида кетма-кет 36 ғалабага эришиб, бу борада дуёнинг етакчи клубларини ортда қолдирмоқда.
"Аркадағ" 2023 йил Туркманистон чемпионлиги ва кубогини қўлга киритиш билан бир қаторда шу пайтга қадар ҳатто дуранг натижа қайд этмаган.
Бироқ мамлакат етакчисига тегишлиги айтилаётган клубда етарлича мухлис мавжуд эмас. Маълумотларга кўра, жамоа иштирокидаги ўйинларга ўртача 200 нафар томошабин ташриф буюрмоқда.
Ўз ҳудудида "супер жамоа" дея эътироф этилаётган "Аркадағ" февраль ойида ўртоқлик учрашуви доирасида "Шахтёр" ва "Днепр"га имкониятни бой берган, бироқ бу ҳақда туркман матбуоти бирорта хабар чоп этмаган.
