«Манчестер Сити»нинг собиқ ҳужумчиси Серхио Агуэро Аргентина терма жамоаси ҳужумчиси ва сардори Лионел Мессининг ЖЧ-2026да иштирок этиши мумкинлиги ҳақидаги саволга жавоб берди.
«Агар Месси ўзига ғамхўрлик қилишда давом этса, у албатта Жаҳон чемпионатида яна ўйнайди. Балки одатдагидек кучи билан эмас, лекин у жарима зарбасидан гол ура олади ёки голли узатмани амалга ошира олади», - деди Агуэро.
2024 йилда Месси клуб миқёсида барча мусобақаларда 24 та ўйинда қатнашиб, 22 та гол ва 13 та голли узатмани амалга оширган. Футболчининг «Интер Майами» билан амалдаги шартномаси 2025 йилнинг охиригача амал қилади.
