“Аристократлар“ жамоаси сафидаги 2 та голга ҳам Виллиан муаллифлик қилди. Бразилиялик футболчи битта голини жарима зарбасидан, биттасини эса пенальтидан уришга эришди. Натижада Виллиан АПЛда битта ўйинда ҳам жарима зарбаси, ҳам пенальтидан гол урган сўнгги 4 йилдаги илк ўйинчи бўлди. Аввалги натижа ҳам “Челси” футболчисига тегишли эди. Сеск Фабрегас айнан “Вест Хэм”га қарши 2016 йилги баҳсда шундай натижага эришганди.