iks
ads

А Серия. "Милан" - "Ювентус" 3:2 (матнли трансляция)

  • Mr.NoBoDy 08.07.2020 02:21
  • 1110
  • 30

А Сериянинг 31-тури доирасидаги "Милан" - "Ювентус" учрашувининг матнли трансляциясини ушбу саҳифа орқали кузатиб боринг.

Милан – Ювентус 3:2

"Жузеппе Меацца (Сан-Сиро)"

Гол: 0:1 – 47 Рабьо, 0:2 – 53 Роналду, 1:2 - 62 Ибрагимович, 2:2 - 66 Кессье, 3:2 - 67 Леао. 

Милан – Доннарумма, Кьер, Тео, Конти, Романьоли, Беннасер, Салемакерс (Леао, 61), Лукас Пакета (Чалханоглу, 46), Кессиэ, Ибрагимович, Ребич.

Ювентус – Шченсны, Ругани, Бонуччи, Данило, Рабьо, Куадрадо, Пьянич, Бентанкур, Бернардески, Игуаин, Роналду.

Огоҳлантириш: Лукас Пакета (31), Беннасер (36).

ЯНГИЛАШ

67. ГООООООООООООООЛЛЛЛ!!! Леао рақиб дарвозасига осонлик билан тўп киритди. Шченсни голдаги айбни ўз бўйнига олса бўлади! Нималар бўляпти! Супер ўйин!

66. ГООООООООООООООЛЛЛ!!! Кессье "Ювентус"нинг "провал" ҳимоясидан осонлик билан ўтиб кетиб, гол урди!!! Златандан ассист!

62. ГОООООООООООЛЛЛЛ!!! Ибрагимович пенальтидан унумли фойдаланди!

62. ПЕНАЛЬТИ!!! Бонуччига сариқ!!!

61. ВАР ишга тушди. Пенальти кўриб чиқилмоқда.

59. ЗАРБА! Теонинг қанотдан узатган тўпига Ребич боши билан зарба берди. Тўп рақибга тегиб майдонни тарк этди.

57. Игуаиннинг зарбасини Кьер қайтарди. "Милан" тезкор қарши ҳужумга ўтиб кетди, натижада Чалханоглу қулай вазиятга чиқиб бориб зарба йўллади. Тўп йўл-йўлакай Бонуччига тегиб, Шченсни қўлига бориб тушди.

56. "Милан"нинг узоқ вақт давом этган ҳужуми оффсайд сабабли тўхтади.

52. ГООООООООООЛЛЛЛЛ!!! Кьер ва Романьоли тўпни қайтаришда қўпол хатога йўл қўйди ва натижада тўп Роналдуга бориб тушди. Қўпол хатони Кришти кечирмади!

50. "Юве" яна бир ҳужум уюштиришга тайёрланаётганди. Аммо Рабьо қоида бузди.

47. ГООООООООООЛЛЛЛ!!! Рабьонинг бир ўзи "Милан"нинг бутун бир ҳимоясидан ўзиб кетиб, чиройли гол урди!

46. Иккинчи бўлиш бошланди!

- "Сан Сиро"га қайтамиз. Чалханоглу ўйинга тушишга тайёргарлик кўрмоқда.

Биринчи тайм якунланди.

45+3. ГОЛ! ЙЎҚ! Ибранинг голи оффсайд сабабли инобатга олинмади.

45+2. ЗАРБАААААААА!! Игуаиннинг зарбасини Доннарумма ушлаб олди!

Биринчи бўлимга 2 дақиқа қўшиб берилди.

45. Қойил! Роналду Кьерни алдаб ўтмоқчи эди. Симон тўпни совуққонлик билан олиб қўйди.

44. "Ювентус"нинг тезкор ҳужуми самара бермади. Умуман олганда туринликлар ҳужумларида мантиқ кўринмаяпти.

42. Пьянич яна бир бор бурчакдан Роналду томон тўпни узатди. Криш зарба бера олмади.

39. Пьянич бурчакдан тўп узатганди, Бонуччи боши билан зарба берди. Бунгача Роналду қоидани бузгани учун фол белгиланди.

38. ЗАРБАААААААА!!! Данилонинг кучли зарбасини Кьер боши билан қайтарди.

36. Пьяничга қарши жуда қўпол ўйнагани учун Беннасер огоҳлантирилди.

35. Златан тўпни фақатгина олдинга ташламоқда. Бироқ баъзи пайтларда бу ўзини оқламаяпти.

32. УХХХХХ!! Бу ерда пенальти бўлиши мумкин эди. Жаримадан узатилган тўпга Роналду бошини, Златан оёғини ташлади. Яхшики, жароҳатлар ҳам бўлмади.

32. "Ювентус"да яна бир стандарт.

Ўтган 30 дақиқа мобайнида чеккада тамаки чекиб турган мураббийнинг жамоаси бирор марта аниқ зарба йўлламабди. "Милан"да эса 3та аниқ зарба бор.

27. Cooling Break

25. ЗАРБАААААААА!!! Златан-Тео-Златан комбинациясидан кейин Ибранинг зарбасини Шченсни ушлаб олди. Бугун "Милан" иштиёқ юқори.

23. ЗАРБАААААА!!! Пьянич йиқилиб тушди ва пасни ўтказиб юборди. Ибрагимовичнинг зарбаси рақибга тегиб, кучини йўқотди ва Шченсни учун тўпни ушлаб олиш осонлашди.

22. Ўтган дақиқалар давомида икки жамоанинг марказий ярим ҳимоячилари - Пьянич ҳамда Салемакерс яхши ўйин кўрсатмоқда.

20. Пьяничнинг жаримадан узатган тўпини Ибрагимович боши билан қайтариб юборди.

17. "Милан" тезкор ҳужумга ўтиб кетди. Кессьенинг Ибрагимович томон узатган тўпини Ругани қайтариб юборди.

14. Бу сафар Рабьонинг зарбаси ноаниқ кетди.

13. ЗАРБАААААААААА!!! Роналду Контини алдаб ўтиб, дарвоза томон кучли зарба йўллади. Тўп дарвоза ёнидан ўтиб кетди.

12. Пьяничнинг узун паси Бернардескидан ўтиб кетиб, Доннарумма томон кетиб қолди.

10. УХХХХХХХХХ!! Учрашувда ҳисоб очилиши мумкин эди. Бернардескининг жаримадан узатган тўпига Бонуччи боши билан зарба беришга бироз кечикди.

8. Учрашувдаги илк зарба Салемакерс томонидан берилди. Унинг кучсиз зарбасини Шченсни ушлаб олди.

5. "Ювентус" ҳужумга ўтаётганди, бироқ Бернардески ҳужумда фол ишлатди.

3. "Милан" чиройли комбинация билан, ажойиб паслар билан рақиб жарима майдончаси ёнигача келди. Бироқ Беннасернинг Тео томон узатган паси майдондан ташқарига чиқиб кетди.

1. УЧРАШУВ БОШЛАНДИ!

- Жамоалар сокин куй остида майдонга тушиб келишди.

Ўхшаш янгиликлар