Учрашувда меҳмонлар Антонио Пуэртас ва Роберто Сольдадонинг голларидан сўнг икки тўп фарқи билан олдинга чиқиб олишди. Иккинчи бўлимда Микель Морино ва Микель Оярсабаль голларидан кейин мезбонлар мувозанатни тиклаб, ғалаба голини уриш учун ҳаракат қила бошлашди. Аммо баҳс охирларида Домингуш Дуарте жамоасининг учинчи голини уриб, “Гранада”нинг сафардан уч очко билан қайтишини таъминлади -2:3.