“Бугун мен ҳамма нарсадан розиман: натижа ҳам, ўйин ҳам кутганимдек ўлди. Айни пайтда биз яхши савияда ўйин кўрсатаяпмиз ва АПЛнинг қолган беллашувлари ҳамда ЕЧЛ баҳсларини шундай кайфиятда ўтказишга тайёрмиз.
“Саутгемптон”дан учралган мағлубиятни унутдик ва яхши ўйин намойиш этдик. Баъзида футбол тушунарсиз ҳазил қилади. Ўшанда биз шунчаки гол уролмагандик. Биз гол уриш учун кўплаб вазиятларни яратамиз. Бугун шу имкониятлардан самарали фойдаландик.
Стерлинг ўйиндан ўйинга очилиб бораяпти. Унинг вазиятлари, зарбалари янада яхшиланаяпти, сабаби машғулотларда чин дилдан ҳаракат қилаяпти. У мавсум охиригача бизда тўп тепиши бизнинг фойдамизга хизмат қилади.
Жезус ҳам курашчанлигини намойиш этмоқда. У гол уришига қадар ҳам жуда фаол эди майдонда. У бугун нафақат гол урди, балки яна кўплаб хавфли вазиятларни ярата олди.
Биз Чемпионлар лигасига йўлланмани қўлга киритдик ва олдимиздаги минимум вазифани бажардик. Бу футболчилар 6-7 йилдан буён шундай натижага эришимоқда. Биз майдонда курашиб, шундай йўлланмага эга чиқдик. Умид қиламанки, душанба куни УЕФА кейинги мавсум ЧЛда иштирок этишимизга имконият яратади”, деди Гвардиола.
