“Гризманнинг ҳозирги ҳолати мени ташвишга солаётгани йўқ. Унинг имкониятларига шубҳа билан қарамайман. Улар муҳокама қилинмайди. Барча ўйинчиларда ҳам қийин даврлар бўлади. У буни енгиб ўтишга қодир”, — дейди Дешам.
Маълумот учун, Гризманн Ла Лиганинг сўнгги 12 та ўйинида атиги 1 та гол урди. У 2019/20 йилги мавсум “Барселона” сафида 46 та ўйинда қатнашиб, 15 та гол уришнинг уддасидан чиқди. Антуаннинг каталонияликлар билан шартномаси 2024 йил ёзига қадар амалда бўлади.
