"Барселона"нинг ушбу йил учун бюджети 1 миллиард 47 миллион евро ташкил қилди. Коронавирус пандемиясидан олдин Каталония клуби маблағни 1,1 миллиард еврога қадар олиб чиққан ҳолда, фойдага кирмоқчи эди.
Пандемия туфайли даромадлар кескин тушди: дўконлар ёпилди, музей, стадион бўйлаб экскурсиялар уюштирилмади. "Барса" учун энг ёмон тарафи, жамоа 6та уй учрашувларини мухлисларсиз ўтказди.
Карантин пайтида футболчиларнинг маошларини 12%га камайтириш йўқотишларни сал бўлса ҳам юмшатди. Бундан ташқари, "Барса" Артурни "Ювентус"га 80 млн еврога сотди ва Неймарнинг иши бўйича "Сантос" устидан судда ғалаба қозонди. Буларнинг барчаси "Барса"га йўқотишларни 100 миллион еврога қадар камайтиришга имкон берди.
Қайд этиш керакки, олдинроқ "Барселона" раҳбарияти 200 миллион евро миқдорида фойда олишни режалаштирган эди.
