Аввалроқ тур рамзий терма жамоасини эълон қилган эдик. Энди эса кетма-кетликда тур лауреатларини бериб бораяпмиз.
Суперлига. Тур мураббийи - Дилявер Ваниев
Ортда қолган 9-турнинг энг яхши футболчиси деб "Сурхон" сардори Шавкат Саломов топилди. Термизликлар "Андижон" меҳмони бўлишди. Учрашувда Александр Касьяннинг боши билан киритган ягона голи меҳмонларга ғалаба олиб келди. Шу куни "Сурхон" таркибида жамоа сардори Шавкат Саломов ўз ўйини билан бошқалардан яққол ажралиб турди. Чиройли паслари ва техникаси эвазига бир нечта вазиятлар яратди. Айниқса, 54-дақиқада ўзи амалга оширган бурчак зарбасидан кейин рақибнинг ярим таркибини алдаб ўтгани олқишларга лойиқ. Афсуски, ўша вазиятда ажойиб юришни якунлаб қўйишда Касьян Саломовга ҳалал берди.
Шу тариқа, индивидуал жиҳатдан ҳаммадан яхши ҳаракат қилган "Сурхон" етакчиси Шавкат Саломов 9-турнинг энг яхши футболчиси деб топилди.
Ўзбекистон чемпионати турнир жадвали >>>>> СУПЕРЛИГА
