Рустам Ашурматов ўйнаётган “Кванджу” ўз майдонида “Канвон”га 2:4 ҳисобида имкониятни бой бериб, мусобақа билан муддатидан олдин ҳайрлашди.
Жамшид Искандеров ҳаракат қилаётган “Сеонгнам” сафарда “Тэгу”ни пенальтилар сериясига кўра таслим этишга (1:1, пен – 4:2) эришди.
Икромжон Алибоев ўйнаётган “Сеул” эса бир киши кам бўлиб меҳмонда “Тэджон Ситизен” (2:1) устидан қўли баланд келган.
Шунингдек, Достон Турсунов жамоаси ҳам кейинги босқич масаласини ижобий ҳал этди. “Бусан И'Парк” “Сувон Сити” устидан минимал (1:0) ғалабага эришди.
Яна бир ўзбекистонлик футболчи Олег Зотеев ҳаракат қилаётган “Чоннам” клуби эса экстра таймларда “Чонбук Моторс”га (2:3) ютқазди.
Шундай қилиб, кубок чорак финалига қуйидаги жамоалар йўл олди:
“Сеул”, “Поханг Стилерс”, “Ульсан”, “Бусан И'Парк”, “Сеонгнам”, “Сувон Блюуингс”, “Чонбук Моторс”, “Канвон”.
