Кеча Москва клуби 27 ёшли уругвайлик футболчи борасида илк таклифни тайёрлаган эди. "Локо" Диего учун 7 миллион евро тўлашга тайёр, аммо "Милан" 10 миллион талаб қилмоқда.
Бир неча соатлардан сўнг эса томонлар алоқани давом эттиришган. "Локомотив" ҳам, "Милан" ҳам битимни ёпмоқчи.
Битимга "Локомотив" ярим ҳимоячиси Алексей Миранчукнинг қўшилиши кўриб чиқилмаяпти. Ўйинчи фаолиятини "Милан"да давом эттиришни хоҳлайди, аммо бундай вариант итальян клуби учун бош мақсад эмас.
Лаксальт жорий мавсумни ижара асосида "Торино"да ўтказмоқда. Футболчи А Серия доирасидаги 16та ўйинда майдонга тушиб, 1та ассист қайд этди.
