Собиқ посбон, бугунги кунда дарвозабонлар мураббийи сифатида ишлаб келаётган Михаил Наумов Суперлиганинг 9-тури доирасида Қўқонда ўтган "Қўқон-1912"га қарши баҳс қайдномасидан ўрин олгани йўқ.
Унинг нима учун ишдан кетгани ҳозирча маълум эмас.
"Қўқон-1912" билан ўйин вақтида дарвозабонлар мураббийисиз қолган "Насаф" мураббийлари биринчи голда хатога йўл қўйган Машҳуржон Муҳаммаджонов ўрнига Абдувоҳид Неъматовни туширишди. Неъматов майдонга тушгач Муҳаммаджоновдан кам бўлмаган хато қилди ва қўқонликлар иккинчи голни уришди. "Насаф" клуби дарвозабонлари 2020 йилги Coca Cola Суперлигасида 9та турда 9 бор ўз дарвозасидан тўп олиб чиқишди. "Аждалар" кам гол ўтказиб юбориш бўйича чемпионатда тўртинчи ўринда боришмоқда.
Маълумот учун, "Насаф" клуби расмий сайти шу йилнинг 1 январь санасида Михаил Наумовни туғилган куни билан табриклаган. Бироқ сайтдаги мураббийлар бўлимида Наумов ҳақидаги барча маълумотлар олиб ташланган.
