As.com хабарига кўра, 35 ёшли футболчи фаолиятини катта эҳтимол билан Қатарнинг "Ал Садд" клубида давом эттиради. Унга дохаликлар бош мураббийи Хавининг шахсан ўзи қизиқиш билдирган. Касорла орқали "Ал Садд"ни тарк этаётган Габининг ўрнини тўлдириш мақсад қилинган.
Аввалроқ испаниялик футболчининг "Бешиктош"га ўтиши ҳақида хабар қилинганди.
Эслатиб ўтамиз, футболчи "Вильярреал"га қадар "Рекреативо", "Малага" ва "Арсенал" жамоалари шарафини ҳимоя қилган. Хавбек 2008 йилдан бери Испания терма жамоаси шарафини ҳимоя қилади.