Мазкур пост сайтимизда эълон қилинган ва бу турли мухлислар ўртасидаги муҳокамага сабаб бўлди. Эндиликда бунга жавобан сайтимиз ижодкори, "Локомотив" клуби матбуот котиби Хайрулла Холиқов ўзининг "Футбол ва ҳаёт" телеграм каналида муносабат билдирди.
"Шаҳбоз Беғамовдан навбатдаги ўта кулгули ва баландпарвоз гаплар.
Биринчидан, "Бавария" ҳали жаҳон тугул, Европа қироли ҳам эмас. "Бавария" Германияда чемпион ва Кубок эгаси бўлган бўлиши мумкин, лекин ҳали ЕЧЛни ютмади.
Жаҳон қироли бўлиш учун олдин ЕЧЛни, кейин УЕФА Суперкубогини ва ундан кейин клублар ўртасидаги жаҳон чемпионатини ютиши керак бўлади.
Ана шу мусобақаларни ютсин, гап йўқ ҳақиқатан жаҳон қироли деймиз ва олқишлаймиз", - дейилади постда.
Эслатиб ўтамиз, сайтимизнинг мазкур икки ижодкори аввал ҳам кўплаб мавзуларда ўзаро баҳс-мунозарага боришган.
Қизиғи, Суперлиганинг навбатдаги турида ҳам айнан мазкур иккала матбуот котиблари фаолият юритаётган жамоалар: АГМК - "Локомотив" ўзаро тўқнаш келади. Кўринишидан, Беғамов & Холиқов қарама-қаршилиги Суперлига доирасидаги баҳсда ҳам давом этади.
Хўш, ўринли савол туғилади. Сизнингча, жаҳон футболида ҳозирги кундаги энг барқарор ва кучли жамоа қайси?
Барчанинг ўз фикри бор ва ҳамма фикр билдиришга ҳақли. Сайтимиз ўқувчиларидан мавзуга оид фикр билдиришни ва шахсиятга доир ҳақоратли сўзлар ишлатилмаслигини сўраймиз.
