Мавсум якунларига кўра 5-ўринни эгаллаган "Ростов" ЕЛ квалификациясига йўлламани қўлга киритди. Валерий Карпин жамоасининг плей-оффга қачон қўшилиши Россия кубоги финалида қайд этиладиган натижага боғлиқ.
Агар финалда "Химки" "Зенит"ни ютса, "Ростов" турнирдаги иштирокини саралашнинг иккинчи босқичидан бошлайди. Агар "Зенит" кубокни қўлга киритса, Карпин жамоаси илк ўйинини учинчи саралаш босқичида ўтказади.
Маълумот учун, жорий мавсум якунида ҳамюртимиз Элдор Шомуродов ўйнайдиган "Ростов" умумий ҳисобда 45 очко тўплаган бўлса, Остон Ўрунов тўп тепадиган "Уфа" 38 очко тўплагани ҳолда 9-ўрин билан кифояланди.
Россия чемпионати мусобақа жадвалидаги ҳолат билан танишинг.
