"Ливерпуль" жамоа ярим ҳимоячиси Жоржиньо Вейналдум билан ҳамкорликни давом эттирмоқчи. Шу туфайли "қизиллар" раҳбарияти футболчи билан янги шартнома борасида музокараларни бошлаб юборган.
Эслатиб ўтамиз, 29 ёшли нидерландиялик ўйинчи Мерсисайд клуби таркибига 2016 йилнинг ёзида "Ньюкасл"дан келиб қўшилганди (27,5 млн фунт).
Жорий мавсум барча мусобақаларда 46 та ўйин ўтказган Вейналдум 6 голга муаллифлик қилди. Унинг "Ливерпуль" билан амалдаги шартномаси 2021 йилнинг 30 июнида ниҳоясига етади.
