"Қизил иблислар" 20 ёшли футболчи учун 89 млн фунт (98 млн евро) таклиф қилди, аммо бу сумма "Боруссия"ни қониқтирмаган. Дортмундликлар ўйинчи учун 120 млн евро олмоқчи.
Коронавирус пандемияси барча клубларга катта молиявий зарар берганига қарамай, "Боруссия" Санчонинг нархини пасайтириш ҳақида ўйламаяпти. Тез орада МЮ янги таклиф билан чиқиши кутилмоқда.
Маълумот учун, Санчо ўтган мавсум барча мусобақаларда 44 та ўйин ўтказди ва 20 тадан гол ва голли узатмага муаллифлик қилди.
