Ла Лига. "Атлетико" - "Реал" 1:0 (Матнли трансляция)

  • Mr.NoBoDy 09.05.2022 01:17
  • 1689
  • 30

Испания чемпионатининг 35-туридан ўрин олган Мадрид дербиси бўлиб ўтмоқда.

Ушбу саҳифада учрашувнинг матнли трансляциясини кузатиб боришингиз мумкин. 

ЯНГИЛАШ


52-дақиқа. Вальехонинг бошига тўпни қайтараётганида Кунья зарба бериб юборди.  

50-дақиқа. Асенсио рақибларидан қочиб, Йовичга вазият яратиб берди, аммо Лука имкониятидан унумли фойдалана олмади.  

48-дақиқа. Яна Начога нисбатан фол ишлатилди. Биринчи бўлимда ҳам шунга ўхшаш вазият гувоҳи бўлгандик. 

46-дақиқа. Иккинчи бўлим бошланди! 

"Реал"да чамаси ҳеч қандай ўзгариш йўқ. 

Ўзгариш! Анхель Корреа ўрнига Антуан Гризманн

Бўлди, ҳакам биринчи бўлим якунланганини билдирувчи ҳуштагини чалди. Ҳозирча танаффус.  

45+2-дақиқа. Родригонинг фаоллигидан кейин Лука Йович қулай имкониятга эга бўлди, лекин унинг зарбасидан кейин биринчи бўлимда деярли ишсиз қолиб кетган Облак жамоасини қутқарди.   

45+1-дақиқа. Ҳозирча ягона гол муаллифи бўлган Карраско ўйиндан ташқари ҳолатда. 

45-дақиқа. Биринчи бўлимга 2 дақиқа қўшиб берилди. 

45-дақиқа. Тони Кроос узоқ масофадан кучли, аммо бироз ноаниқ зарба йўллади.  

43-дақиқа. Каземирога нисбатан фол.  

40-дақиқа. Зарба, ГОООООЛ! Янник Карраско дарвозабонни алдади ва ҳисобни очди.  

Лунин Карраскога қарши!

38-дақиқа. Огоҳлантириш! Хесус Вальехога эса сариқ.

38-дақиқа. "VAR"ни кўргач, ҳакам нуқтага ишора қилди.   

36-дақиқа. Вальехо ва Кунья курашидан кейин "Атлетико" вакили йиқилиб, пенальти сўрамоқда.   

Тони Кроос Маркос Льоренте томонидан йиқитилди. 

29-дақиқа. "Атлетико" бу стандартдан ҳам самара чиқара олмади.  

28-дақиқа. Огоҳлантириш! Бу сафар Лукас Васкесга сариқ. Қанотда у алдангач, Карраскони очиқчасига қўполлик эвазига тўхтатиб қолди.  

25-дақиқа. "Реал" анчада бир ҳужумга ўтганди, лекин Лукас Васкес ҳеч бўлмаса бурчак зарбаси ҳам ишлолмади.  

23-дақиқа. Камавинга тўпни ўзидан бироз қочириб юборди ва уни такроран эгаллаб олиш учун ҳаракатида сал қолча, Корреани тепиб, йиқитиб юбориши мумкин эди.  

20-дақиқа. Огоҳлантириш! Тўпни ҳам тепган бўлсада, рақиб оёғини яхшигина босиб олгани учун Лука Йовичга сариқ карточка кўрсатилди.   

17-дақиқа. Стандарт вазият. Узатмадан кейин ҳимояга ёрдам қайтган Лука Йович тўпни майдондан чиқариб юборди. 

14-дақиқа. "Реал" вакиллари тўпни ўз назоратида ушлаб турибди, бу нарса трибуналардаги аксар мухлисларга ёқмаяпти. 

11-дақиқа. Илк дақиқаларда "Атлетико" футболчилари фаолроқ. 

8-дақиқа. Янник Карраскода зўр имконият бўлди, жарима майдонига ёриб кирган футболчининг зарбасига аниқлик етишмади.  

7-дақиқа. Учрашувдаги биринчи бурчак зарбасини "Атлетико" амалга оширди. Узатмадан кейин "Реал" ҳимоячилари осонлик билан тўпни узоқлаштирди. 

5-дақиқа. Стефан Савич тўп билан келаётган Начони "илиқ кутиб олди" ва тиззасига зарба берди. 

4-дақиқа. Корреада ажойиб имконият, Лунин жамоасига ёрдам беролмасди, лекин зарба ноаниқ. 

2-дақиқа. Андрей Лунин жойини тарк этиб, тўпни узоқлаштирди, тўп "Атлетико" вакилига бориб тушди, лекин мезбонлар вакили мўлжални аниқ нишонга ола билмади.

1-дақиқа. Ўйин бошланди! Уни меҳмонлар бошлаб беришди.

Жамоаларнинг асосий таркиблари маълум бўлиб улгурган. Қизиғи, Мариано Диас асосий таркибда ўйинни бошлаши эълон қилинган бўлсада, у йўқ, унинг ўрнини Лука Йович эгаллади. 

"Атлетико" - "Реал"

Атлетико – Облак, Врсалько, Савич, Хименес, Рейнилду, Льоренте, Карраско, Коке, Кондогбиа, Корреа, Матеус Кунья.

Реал Мадрид – Лунин, Вальехо, Милитао, Начо, Кроос, Каземиро, Камавинга, Васкес, Мариано Диас, Асенсио, Родриго.

Ўхшаш янгиликлар