«Вулверхэмптон» бош мураббийи Нуну Эшпириту Санту «Реал»дан ижарага олинган ҳимоячи Хесус Вальехонинг тақдири ҳақида ўз фикрини билдирди.
«Очиғини айтишим керак. Хесус, жамоамизни тарк этса керак. Боиси, у кўпроқ ўйин амалиётига эга бўлишни истамоқда.
Вальехо — ёш ва иқтидорли ўйинчи. Биз уни ижарага олаётганда ундан кўп нарса кутган эдик, аммо умидимиз рўёбга чиқмади. У жамоамизни тарк этиб, ўзига бошқа жамоа топиши керак. У кўпроқ ўйнаши ва ривожланиши лозим. Чунки, унда иқтидор бор.
Хесус яхши ўйнаган учрашувлар бўлди, шунингдек, ёмон ўйнаган ўйинлар ҳам бўлди. Назаримда, ижара ҳеч кимга наф келтирмади», – деди Санту.
22 ёшли футболчи АПЛ доирасида 2та ўйинда майдонга тушиб, битта сариқ карточка олди.
