«Динамо» клуби ярим ҳимоячиси Дани Олмьо «Милан»га ўтадиган бўлди.
Sportske Novosti хабарига кўра, "Милан" Испания терма жамоасининг 21 ёшли аъзоси учун 20 миллион евро тўлайди. "Динамо" бундан ташқари 5 миллион евро бонусга ҳам эга бўлиши мумкин. Шунингдек, "Милан" агарда футболчини сотадиган бўлса, "Динамо" яна қўшимча 5 миллион еврога эга бўлади.
Олмьонинг ўзи "Милан" билан 5 йиллик шартномага имзо чекади. У клубда йилига 2,5 миллион евро маош олади.
Эслатиб ўтамиз, аввалроқ "Барселона" ҳам Олмога қизиқаётганлиги ҳақида хабар берилганди.
Маълумот учун, Дани Олмьо "Барселона" тарбияланувчиси ҳисобланади. У жорий мавсум "Динамо" сафида 22та ўйин ўтказиб, 8та гол урди ва 7та голли узатмани амалга оширди.
