Ҳозирда «Милан» клубида ижара асосида ўйнаётган Анте Ребич "россонери"нинг тўлақонли аъзосига айланиши мумкин. Tuttosport тарқатган хабарга кўра, "Айнтрахт" 26 ёшли футболчини 40 млн евро сотишга тайёр.
Ребичнинг «Милан» билан ижара шартномаси муддати 2 йилга тенг.
Маълумотларга қараганда, «Фиорентина» Ребичнинг эҳтимолий трансферидан 30-50 фоиз миқдорида улуш олади. Хорватиялик футболчи 2018 йилда «Фиорентина»дан «Айнтрахт»га ўтганда клублар ўртасида шундай келишув бўлган.
